حكاية كفاح محمد أحمد الكيلاني

تقدر تطير من غير جناحات حبه طموح وهتعمل معجزات💪💪

بطل حكايتنا هو محمد احمد الكيلاني ابن اشمون بالمنوفية شاب بسيط ف بداية حياته صاحب ال 27 عام 👌

محمد حصلتله حادثة قطار ف 2012 كان نتيجتها انه فقد قدمه اليمين تماما بسبب الحادثة وتقرير المستشفي انه لازم يحصلة بتر وبالفعل تم بتر قدمه اليمين مشاعر كتير مؤلمه احساسه ان حياته وقفت حزن اسرته بالكامل ولسان حالهم ف مقولة متكررة دا لسه شاب هيكمل حياته ازاي !!!

بس الرضا بالقضاء والقدر وتقبله للامر بصدر رحب كان كافي لعوض ربنا الكبير عليه والي انهارده وصل لقصة نجاح كلنا بنفتخر بيها 👌

محمد ف خلال 6 شهور ركب طرف صناعي للقدم الايمن ومن خلالها قدر يمارس حياته بشكل طبيعي مع مواجهات صعبة ف بداية الامر ولكنه قدر يوصل وينجح ف التعود عليها
محمد من بداية الحادثة كان رافض ان اي حد يشوفه بالطرف الصناعي عشان مفيش حد يوصله نظره شفقه وحزن ومقوله ( يعيني — دا غلبان — هتقدر ازاي ) كلام ممكن تشوفه انه فعلا صادق طالع من جواك بس متعرفش انه بيأذي الي قدامك
محمد بالصدفة اشترك ف مجموعة مارثون للجري كان نيته التضامن معاهم وانه هيمشي معاهم وخلاص
بس القدر كان رسمله طريق اخر 👌❤

محمد فعلا اشترك معاهم ف البداية كان ماشي مع المارثون فجاه حس بطاقة جواه فبدا بالجري البسيط بس كانت جواه طاقة اكبر عايزة تخرج باي طريقة

وفعلا بدا بالجري ووصل ل 4 كيلو ونص ف 40 دقيقة
ودا انجاز للشخص العادي مبالك ب طرف صناعي

واشترك مره تانيه ف مارثون جري وحري ل 7 كيلو ف 69 دقيقة
وبدا اهتمامه بالرياضة تزيد اكتر ويشترك ف اكتر من مارثون جري واصبح ايقونه عزيمة و طاقة متفجره
محمد وصل انه يكون أول مصري وعربي وافريقي يقطع مسافة 100 كم بـ«طرف صناعي» وقطع كل المسافة مشيً من القاهرة إلى العين السخنة فى 3 أيام، هو وثلاثة من اصحاب الاختلافات المختلفة 💪💪

وحصل علي المركز الأول في ماراثون القاهرة عام 2018 و 2017 في البارلمبيك وتم تكريمة من رئيس الجمهورية ف عام الشباب واصحاب الاختلافات المختلفة ف 2018
و ماراثون الاهرامات الدولي ٢٠٢٠

محمد اصبح شاب ملهم لكل شباب العالم بيعلمهم ازاي يتحدي الظروف وداعم جدا لاصحاب الاطراف الصناعية انهم يكملوا حياتهم ويظهروا للمجتمع 💪💪

دا كله ممنعوش انه يكمل حياته الخاصة ويخلص كليتة ويحصل ع بكالوريوس نظم ومعلومات ويشتغل مهندس نظم معلومات ف المركز الرئيسي بنك QNB ويستكمل حاليًا دراسات عليا بالأكاديمية البحرية 👌

ارادة وعزيمة لا تقهر من شاب حول مأساته ل قصة نجاح بتفرض نفسها ع كل شاب بيتحجج ب الظروف 👌

فكرني تاني كدا اي المشاكل الي عندك ؟؟؟ وقد اي الحياة قاسية عليك !!!

نفتخر ان شبابنا فيهم محمد وغيره
انت تقدر انت الامل 👌❤